ساعات كده تكون بتتفرج على فيلم ممكن تكون شفته مليون مرة بس مع تغير الظروف تبدأ تنتبه لتفاصيل صغيرة في مشاهد شكلها بسيط لكن مع الأيام بيبقى ليها معنى عندك أو بتفهم ايه المقصود بيها فانا جمعت مجموعة أفلام ليها لازمة عندي بسبب مشاهد خلتني أفهم حاجات أو أفسر حاجات تانية.
1) City of God
فيلم برازيلي من أجمل الأفلام اللى ممكن تشوفها بيحكي عن الحياة في ضاحية فقيرة بريو دي جانيرو، الفيلم كله مميز لكن المشهد اللى شد انتباهي كان مشهد بين "ليل زي" وصديق عمره "بيني" المفروض أنه المشهد عبارة عن إن "بيني" قرر يسيب تجارة المخدرات وصاحب عمره عشان يتجوز البنت اللى بيحبها في البداية "ليل زي" كان متقبل القرار لكن في حفل وداع "بيني" فجأة يكتشف "ليل زي" أنه وحيد، وعشان تبقى الأمور واضحة "ليل زي" ده عبارة عن سفاح من صغره آلة قتل و"بيني" هو الوحيد اللى كان صاحبه واللى شاركه في كل حاجة، "ليل زي" فجأة يكتشف أنه ميعرفش إزاي يعرف بنات أو حتى يكون أصدقاء فيقرر أن يستخدم الأسلوب الوحيد اللى يعرفه وهو البلطجة لكن ده مبيساعدش والأسوأ أنه يلاقي صديق عمره بيهدي كاميرا لولد وهو مجابلوش حاجة، "ليل زي" بيحس بالغيرة ويخطف الكاميرا ويقول لـ"بيني" انه مينفعش يسيبه ويتخانقوا ونظرا لأنهم بتوع مخدرات بيجي واحد من المنافسين ويقتل "بيني" بالغلط، اللى هو المفروض تاجر مخدرات بس كل الناس بتحبه، طبعا الموضوع بيأثر في "ليل زي" بس للأسوأ لأن "بيني" كان زي صمام أمان للكل بعد موته بيتحول "ليل زي" لوحش مفترس الخلاصة أنه حتى أسوأ الناس بيحتاج لشخص في حياته يثق فيه وده اكتشاف ما اسعدنيش الصراحة.
2) charlie wilson's war
فيلم بيتناول دور السيناتور الأمريكي "شارلي ويلسون" في مواجهة الغزو السوفيتي لافغانستان كمعظم الأفلام الأمريكية بيجيب عيوب الشخصيات مش بيحولهم لناس معصومين من الخطأ زي الأفلام العربي، إلى جانب أنه بيكشف عن حماس "شارلي" لتدمير الاتحاد السوفيتي وضمان هزيمته في افغانستان كنوع من الانتقام للي حصل لأمريكا في فييتنام، لكنه بيكشف عن مساوئ "شارلي" الشخصية، الراجل كان هلاس شرب كحوليات نساء وكلابشات في السرير( كلينج كلينج :D) وكمان مخدرات، لكن كل ده ممنعش أنه يسافر في كل حتة ويدور عن جمع المال والمساعدات والسلاح لضمان تحقيق هدفه، الطريف أنه ما انكرش انه رجل بايظ وحتى لما سألوه في الحقيقة عن رأي الناخبين في اللى بيعمله قالهم بكل بساطة "هما كانوا عارفين أنهم مش بينتخبوا راهب بيعاني من الإمساك"، المشهد اللى لاحظته كان في اجتماع لجنة الدفاع بالكونجرس بعد انسحاب السوفيت ومحاولات "شارلي" اليائسة أنه يجمع كام مليون عشان يبنى مدرسة صناعية في كابول وهو مبلغ تافه بالنسبة للمليارات اللى دفعوها في الحرب لكنه بيتفاجئ انه اللجنة مش موافقة وان رئيس اللجنة نفسه مش عارف اسم البلد ساعتها بيقولهم فيما معناه أنه امريكا دايما بتعمل كده انه بتخش حرب بمبادئ وافكار مثالية وبيحققوا التغيير بس بتنسحب بعدها وأن الموضوع ده عواقبه السيئة بترتد عليها طبعا اللجنة مش بتهتم و"شارلي" بيعترف في نهاية الفيلم أن امريكا fucked up the end game، الخلاصة ان امريكا دولة بنت جزمة ده شيئ معروف بس الاهم انك متبدأش حرب أو أي حاجة من غير ما تكون حاطط تصور للنهاية ويكون تصور ايجابي وسلبي بحيث تكون عارف انت رايح فين والا هتلاقي نفسك زي امريكا بتخرب كل حاجة ومش عارف تصلح والنهاية انه الكل يبقى عدو ليك.
3) monalisa smile
استاذة فن معروف عنها التحرر، بالنسبة لمعايير المجتمع الأميركي قبل الستينات والتحرر الأخلاقي الشديد اللي حصل في الستينات، يتم تعيينها في جامعة محافظة للبنات بتكتشف أنه الهدف من الجامعة هو شغل البنات لغاية الحصول على زوج وده طبعا بيحبطها خصوصا أنها بتحلم انه المرأة تحصل حقوقها وتصبح حرة وده كان بيخليها ترفض موضوع الجواز لأنه هيمنعها من تحقيق احلامها المشهد اللى شد انتباهي، بجانب يعني مشاهد جوليا روبرتس كلها :P، انه واحدة من تلميذاتها كانت خايفة - الاستاذة- انه الجواز من حبيبها هيخليها مش هتحقق حلمها في انها تكمل دراستها الجامعية في هارفارد أو كلية تانية بحيث تشتغل في مهنة وتروحلها لحد البيت مع قايمة بكل الجامعات اللى ممكن تقدم فيها وتتجوز من غير ما يأثر ده على انها تكمل تعليمها وتشتغل بس بتتفاجئ بالبنت اتجوزت فعلا وده بيحبطها لكن البنت تنجح في اقناعها انه كان خيارها انه تصبح ربة منزل وانها مش هتندم في المستقبل لانها مبقتش محامية وان اختيارها لده مش معناها انها اقل ذكاء او عمق من اللى بيتشغلوا، طبعا المشهد محتاج انكم تتفرجوا عليه بس الخلاصة أنه متقللش من قيمة واحدة اختارت انها تبقى ربة منزل أو تعتقد ان ذكائها اقل من اللى بتشتغل الموضوع في النهاية انه كل واحد بيختار الشيئ اللى بيحبه اكتر وانه مش معنى ايمانك بفكرة انها الاصح وان الكل لازم يشتغل على اساسها ده ضيق افق، طبعا في جزء تاني من الخلاصة مش هقولكم عليه بس كل اللى اقدر اقوله انى محترم اختيار شخص ما واتمنى انه ميندمش عليه بعد كده لما يكبر.
4) Sweeney Todd: The Demon Barber of Fleet Street،the god father part 3
.jpg)
يعني هما فيلمين بس الفكرة العامة هي الانتقام، رغم انه موضوع الانتقام انا شايفه حق لكل شخص ما دام حاسس انه اتظلم بس الحقيقة انه حتى لو انتقمت مش هتحس بتحسن، يمكن الستات شعورهم بيختلف، بس كتجربة شخصية اقدر اقول انه الانتقام ممكن يحسسك بالراحة بعض الشيئ لكن الأكيد انه بيغير فيك تقدر تتخيل الوضع أن قلبك عامل زي اوض كبيرة فيها نور يعمى البصر وكل ما يتكسر تحس انه بقى مضلم وكل ما تنتقم كل ما تتسد اوضة وتحس انه قلبك بقى تقل حجر جوة جسمك شيئ بيخليك عاوز تدخل ايدك تطلعه عشان تحس بالخفة ايه علاقة ده بالفيلمين دول الموضوع بسيط انه في كلا الفيلمين مع تحمسهم للانتقام من اللى ظلموهم او ضحكوا عليهم بيأذوا ناس بيحبوهم وللاسف مش بيكتشفوا غير بعد فوات الاوان والنهاية دايما سيئة، هل ده معناه انه الواحد مينتقمش ؟؟ يا راجل البشر مليانين عيوب اكتر من الجبن السويسري تفتكرعشان كلمتين هيوقفوا نفسهم من الانتقام الفكرة انه تكون مستعد لشيل الحجر ومعرفة اللى هينتج عن الانتقام
1) City of God
فيلم برازيلي من أجمل الأفلام اللى ممكن تشوفها بيحكي عن الحياة في ضاحية فقيرة بريو دي جانيرو، الفيلم كله مميز لكن المشهد اللى شد انتباهي كان مشهد بين "ليل زي" وصديق عمره "بيني" المفروض أنه المشهد عبارة عن إن "بيني" قرر يسيب تجارة المخدرات وصاحب عمره عشان يتجوز البنت اللى بيحبها في البداية "ليل زي" كان متقبل القرار لكن في حفل وداع "بيني" فجأة يكتشف "ليل زي" أنه وحيد، وعشان تبقى الأمور واضحة "ليل زي" ده عبارة عن سفاح من صغره آلة قتل و"بيني" هو الوحيد اللى كان صاحبه واللى شاركه في كل حاجة، "ليل زي" فجأة يكتشف أنه ميعرفش إزاي يعرف بنات أو حتى يكون أصدقاء فيقرر أن يستخدم الأسلوب الوحيد اللى يعرفه وهو البلطجة لكن ده مبيساعدش والأسوأ أنه يلاقي صديق عمره بيهدي كاميرا لولد وهو مجابلوش حاجة، "ليل زي" بيحس بالغيرة ويخطف الكاميرا ويقول لـ"بيني" انه مينفعش يسيبه ويتخانقوا ونظرا لأنهم بتوع مخدرات بيجي واحد من المنافسين ويقتل "بيني" بالغلط، اللى هو المفروض تاجر مخدرات بس كل الناس بتحبه، طبعا الموضوع بيأثر في "ليل زي" بس للأسوأ لأن "بيني" كان زي صمام أمان للكل بعد موته بيتحول "ليل زي" لوحش مفترس الخلاصة أنه حتى أسوأ الناس بيحتاج لشخص في حياته يثق فيه وده اكتشاف ما اسعدنيش الصراحة.
2) charlie wilson's war
فيلم بيتناول دور السيناتور الأمريكي "شارلي ويلسون" في مواجهة الغزو السوفيتي لافغانستان كمعظم الأفلام الأمريكية بيجيب عيوب الشخصيات مش بيحولهم لناس معصومين من الخطأ زي الأفلام العربي، إلى جانب أنه بيكشف عن حماس "شارلي" لتدمير الاتحاد السوفيتي وضمان هزيمته في افغانستان كنوع من الانتقام للي حصل لأمريكا في فييتنام، لكنه بيكشف عن مساوئ "شارلي" الشخصية، الراجل كان هلاس شرب كحوليات نساء وكلابشات في السرير( كلينج كلينج :D) وكمان مخدرات، لكن كل ده ممنعش أنه يسافر في كل حتة ويدور عن جمع المال والمساعدات والسلاح لضمان تحقيق هدفه، الطريف أنه ما انكرش انه رجل بايظ وحتى لما سألوه في الحقيقة عن رأي الناخبين في اللى بيعمله قالهم بكل بساطة "هما كانوا عارفين أنهم مش بينتخبوا راهب بيعاني من الإمساك"، المشهد اللى لاحظته كان في اجتماع لجنة الدفاع بالكونجرس بعد انسحاب السوفيت ومحاولات "شارلي" اليائسة أنه يجمع كام مليون عشان يبنى مدرسة صناعية في كابول وهو مبلغ تافه بالنسبة للمليارات اللى دفعوها في الحرب لكنه بيتفاجئ انه اللجنة مش موافقة وان رئيس اللجنة نفسه مش عارف اسم البلد ساعتها بيقولهم فيما معناه أنه امريكا دايما بتعمل كده انه بتخش حرب بمبادئ وافكار مثالية وبيحققوا التغيير بس بتنسحب بعدها وأن الموضوع ده عواقبه السيئة بترتد عليها طبعا اللجنة مش بتهتم و"شارلي" بيعترف في نهاية الفيلم أن امريكا fucked up the end game، الخلاصة ان امريكا دولة بنت جزمة ده شيئ معروف بس الاهم انك متبدأش حرب أو أي حاجة من غير ما تكون حاطط تصور للنهاية ويكون تصور ايجابي وسلبي بحيث تكون عارف انت رايح فين والا هتلاقي نفسك زي امريكا بتخرب كل حاجة ومش عارف تصلح والنهاية انه الكل يبقى عدو ليك.
3) monalisa smile
استاذة فن معروف عنها التحرر، بالنسبة لمعايير المجتمع الأميركي قبل الستينات والتحرر الأخلاقي الشديد اللي حصل في الستينات، يتم تعيينها في جامعة محافظة للبنات بتكتشف أنه الهدف من الجامعة هو شغل البنات لغاية الحصول على زوج وده طبعا بيحبطها خصوصا أنها بتحلم انه المرأة تحصل حقوقها وتصبح حرة وده كان بيخليها ترفض موضوع الجواز لأنه هيمنعها من تحقيق احلامها المشهد اللى شد انتباهي، بجانب يعني مشاهد جوليا روبرتس كلها :P، انه واحدة من تلميذاتها كانت خايفة - الاستاذة- انه الجواز من حبيبها هيخليها مش هتحقق حلمها في انها تكمل دراستها الجامعية في هارفارد أو كلية تانية بحيث تشتغل في مهنة وتروحلها لحد البيت مع قايمة بكل الجامعات اللى ممكن تقدم فيها وتتجوز من غير ما يأثر ده على انها تكمل تعليمها وتشتغل بس بتتفاجئ بالبنت اتجوزت فعلا وده بيحبطها لكن البنت تنجح في اقناعها انه كان خيارها انه تصبح ربة منزل وانها مش هتندم في المستقبل لانها مبقتش محامية وان اختيارها لده مش معناها انها اقل ذكاء او عمق من اللى بيتشغلوا، طبعا المشهد محتاج انكم تتفرجوا عليه بس الخلاصة أنه متقللش من قيمة واحدة اختارت انها تبقى ربة منزل أو تعتقد ان ذكائها اقل من اللى بتشتغل الموضوع في النهاية انه كل واحد بيختار الشيئ اللى بيحبه اكتر وانه مش معنى ايمانك بفكرة انها الاصح وان الكل لازم يشتغل على اساسها ده ضيق افق، طبعا في جزء تاني من الخلاصة مش هقولكم عليه بس كل اللى اقدر اقوله انى محترم اختيار شخص ما واتمنى انه ميندمش عليه بعد كده لما يكبر.
4) Sweeney Todd: The Demon Barber of Fleet Street،the god father part 3
.jpg)
يعني هما فيلمين بس الفكرة العامة هي الانتقام، رغم انه موضوع الانتقام انا شايفه حق لكل شخص ما دام حاسس انه اتظلم بس الحقيقة انه حتى لو انتقمت مش هتحس بتحسن، يمكن الستات شعورهم بيختلف، بس كتجربة شخصية اقدر اقول انه الانتقام ممكن يحسسك بالراحة بعض الشيئ لكن الأكيد انه بيغير فيك تقدر تتخيل الوضع أن قلبك عامل زي اوض كبيرة فيها نور يعمى البصر وكل ما يتكسر تحس انه بقى مضلم وكل ما تنتقم كل ما تتسد اوضة وتحس انه قلبك بقى تقل حجر جوة جسمك شيئ بيخليك عاوز تدخل ايدك تطلعه عشان تحس بالخفة ايه علاقة ده بالفيلمين دول الموضوع بسيط انه في كلا الفيلمين مع تحمسهم للانتقام من اللى ظلموهم او ضحكوا عليهم بيأذوا ناس بيحبوهم وللاسف مش بيكتشفوا غير بعد فوات الاوان والنهاية دايما سيئة، هل ده معناه انه الواحد مينتقمش ؟؟ يا راجل البشر مليانين عيوب اكتر من الجبن السويسري تفتكرعشان كلمتين هيوقفوا نفسهم من الانتقام الفكرة انه تكون مستعد لشيل الحجر ومعرفة اللى هينتج عن الانتقام
ليست هناك تعليقات:
إرسال تعليق